معانى العلامات والمؤشرات فى لوحة القيادة

من المهم جدا التعرف على دلالات ومعانى الإشارات واللمبات إللى بتظهرفى لوحة القيادة، فإذا كان فى عطل ما أسرعنا بعلاجه.

فهذه العلامات هى ببساطة موجودة لتساعدك على فهم سيارتك بشكل أكبر ولتعطى لك إنذارا فى الوقت المناسب.، ولذلك من أهم أساسيات القيادة إن تفهم هذه العلانات جيدا.


لمبة الفرامل

وهى لتحذيرك إن فرامل اليد مرفوعة. أما لو تأكدت من نزول الفرامل أثناء السير وظلت اللمبة مضاءة فممكن دا يرجع لأكتر من سبب زى: نقص منسوب زيت الفرامل/ إنتهاء العمر الإفتراضى لتيل الفرامل/ عطل فى فرملة اليد نفسها يمنعها النزول للأخر.

 

قفل عجلة القيادة

ودا من عوامل الأمان فى العربيات. يعنى بيضمن قفل السيارة وعدم إداراتها إلا بمفتاحها الصحيح.

لمبة الدينامو أو البطارية

إضاءة اللمبة دى بتعنى إن بطارية العربية أو الدينامو فيهم مشكلة زى: البطارية ضعيفة/ البطارية مش بتشحن نتيجة عيب فى دائرة الشحن أو الدينامو. وإستمرار إضاءة اللمبة دى ممكن يؤدى لهلاك البطارية أو تقليل عمرها الإفتراضى.

لمبة الزيت

إضاءة اللمبة دى بتعنى إن معدل الزيت فى العربية أقل من اللازم، ودا لأسباب زى: وجود تسريب فى الزيت/ طلمبة الزيت لا تعمل بكفاءة. وإستمرار إضاءتها بيؤدى لمخاطر كبيرة جدا على الموتور.


لمبة البنزين

تضئ اللمبة دى فى حالة واحدة وهى إن مستوى البنزين فى العربية قليل. وعلاجها بسيط جدا وهو الذهاب لأى محطة بنزين وتفويل العربية.

 

لمبة عطل المحرك

ترجع إضاءة اللمبة دى لأكتر من سبب زى: حساسات عادم الصوت/ الفلاتر/ حساسات الهواء. وفى الحالة دى ممكن تفحص كل الأجزاء الموصولة بوصلات إلكترونية مع كهرباء العربية.

لمبة الحرارة

تضاء فى حالة واحدة وهى إن حرارة العربية عالية جدا ووصلت لمرحلة خطر، وأهم حاجة تعملها فى اللحظة دى إنك تبطل العربية وتتركها لتبرد تماما وتكشف على منسوب المياه والزيت. ودا بيحصل لأن منسوب المياه ممكن يكون قليل جدا لأنك نسيت تزود المياه أو بسبب إرتفاع درجات حرارة الجو، أو ممكن يكون فى تسريب فى طلمبة المياه أو الغطاء.

لمبة تحذير ان الباب مفتوح

  • ودى بتنبهك إن فى باب من الأبواب مفتوح.

لمبة ABS

ودى بتشير إن نظام فرامل ABS إللى بيمنع إنزلاق السيارة يعمل، أما لو أضاء النور دا والعربية لا تعمل فهذا يعنى وجود مشكلة فى نظام ال BAS

لمبة الوسادة الهوائية

إذا إضاءت اللمبة دى فهى تعكس إن فى عطلة فى الوسائد الهوائية، يعنى ممكن متفتحش فى المواقف إللى بستدعى فتحها.

لمبة الأنوار

  • لمبة الأنوار: والمجموعة دى من اللمبات مش بتعبر عن مشكلة ولكنها بتعطى زى تقرير حالة وهم كالآتى:
  • لمبة النور العالى: ويفضل إستخدامها فى طرق السفر فقط.
  • لمبة النور الموسط: ودا يعتبر المعدل الطبيعى للنور وإللى يفضل إستخدامه على طول.
  • لمبة نور الشبورة: ودى بتنبهك إن نور الشبورة يعمل، ودا فائدته تكمن فى تحسين رؤيتك فى الشبورة.